quddus islam medeniyet paytexti boldi
islamiy maarip, bilim we medeniyet teshkilati (ISESCO) ning bash mudiri abduleziz bin osman tuweyji quddusning «2019-yilliq islam medeniyet paytexti» bolushini qarar qilghanliqini élan qildi.
türkiye awazi radiyosi xewiri: islamiy maarip, bilim we medeniyet teshkilatining bash mudiri abduleziz bin osman tuweyji marakeshte islamiy maarip, bilim we medeniyet teshkilati «2019-yilliq islam dunyasi miras yili xitabnamisi» gha munasiwetlik axbarat élan qilish yighinida, teshkilatning quddustiki medeniyet mirasining qoghdilishi heqqide islamiy we xelqaraliq qollashni kücheytish üchün keng dairelik pirogramma bashlighanliqlirini bildürdi.
u islamiy maarip, bilim we medeniyet teshkilati teripidin ereb dunyasi neziride, quddusning «2019-yilliq islam medeniyet paytexti we islam medeniyiti daimiy paytexti» bolushini qarar qilghanliqini eskertti.
u yene, teshkilatqa eza döletlerning munasiwetlik organlirini, kishilerning sürkilishler yüz bériwatqan rayonlardiki mirasni qoghdash ang-sewiyesini östürüsh üchün, layiheler we medeniyet pirogrammiliri ötküzüsh arqiliq quddusning islam medeniyet paytexti we islam medeniyiti daimiy paytexti bolush herikitini qollashqa chaqirdi.
u 2019-yilliq islam medeniyet paytextlirini quddus bilen «qérindash sheher» élan qilinishi we bu döletlerdin medeniyet paytexti pirogrammiliri ramkisida paaliyet ötküzülidighan bir heptini quddusqa bérishni telep qildi.