türkiyening kino-filim sahesi barghanséri zoraymaqta
eng köp özining filimliri körülidighan türkiyening kino-filim sahesi barghanséri kéngiyip, xelqara féstiwallarda zor alqishlargha sazawer bolmaqta.
türkiye awazi radiyosi xewiri: türkiye bazirida türkiye filimlirining reqibi yoq. 2017-yilning tunji üch éyida texminen 36 milyon körürmen sani 2018-yili 42 milyondin ashti. körürmenler bilen yüz körüshken yerlik filim sani 147 din 172 ge chiqti.
filim sénariyesi yazghuchisi mehmet ajar yawropada öz dölitining filimlirini eng köp köridighan döletning türkiye ikenlikini bildürüp: «hemme dölet filim ishleydu, biraq amérika filimliri bilen riqabet qilalmaydu. türkiyede bolsa, del buning tetürisi» dédi.
bu heqtiki istatistika reqemliri türkiye filimliri nuqtisidin éytqanda, yaxshi yüzlinishni körsitip bermekte. türk körürmenler burun eng köp köridighan qopal komédiye filimlirining ornini terjimihal we dramma türidiki filimler alghan.
uzun waqittin béri türkiye téléwiziye tiyatirliri dunya téléwiziye qanallirida körsitiliwatqan bolup, bu ehwal türkiye kino filimlirighimu tesir körsetti.
türkiye radiyo-téléwiziye idarisi t r t (TRT) kino-filim saheside muhim rol oynimaqta. t r t yash kino-filim heweskarlirigha alahide étibar bérip, körürmenlerni süpetlik filimler bilen yüz körüshtürmekte.
xelqaraliq féstiwallarda türkiye filimliri zor alqishlargha érishti. «kelebekler» (képinekler) filimi 2018-yili sandans (Sundance) filim féstiwalida eng yaxshi filim bolup bahalandi. «ahlat» filimi kan féstiwalida zor alqishqa érishti.
