tika yemende nurghun insanperwerlik layihelirini emelge ashurdi

türkiye awazi radiyosi xewiri: türkiye hemkarliq we kordinatsiye agéntliqi tika (TİKA) 2018-2012 –yilliri arisida yemende maaripni asas qilghan halda sehiye, yéza igiliki we asasiy ul-eslihe qatarliq sahelerdin jemiy 93 layiheni emelge ashurdi. 2012-yili aprélda tikaning sanada échilghan ishxanisi yemen miqyasida maarip sahesi boyiche 25, sehiyede 15, memuriy ul-eslihe saheside 23, insanperwerlik saheside 17, medeniyet hemkarliqi saheside sekkiz, yéza igiliki we charwichiliq saheside besh layiheni emelge ashurdi.

tika 2013-yili paytext sana, eden, taiz we hudeyde qatarliq sheherlerde jemiy 60 bölümdin terkip tapqan töt dializ merkizi qurdi.

tika türkiye jumhur reisi rejep tayyip erdoghanning yolyoruqi boyiche eden we taizda qiyin hawa rayi sharaitliri astidimu paydilanghili bolidighan doxturxana saldi. yemenning memuriy sistémisini kücheytish meqsitide 200 ge yéqin yemenlik memuriy xadimlarni, türkiyede oxshimighan kesipler boyiche terbiyelidi. eden emin nashir sehiye inistitutini tébbiy üsküniler bilen teminlidi. 250 oqughuchi sighidighan bir oqughuchilar yataq binasini rémont qildi, 500 kishilik ikki oqughuchilar yataq binasini esliheler bilen teminlidi.

bu dairide, yemende yuqumluq késelliklerning aldini élish we edenni yashighili bolidighan halgha keltürüsh üchün urushtin qip qalghan we toplinip qalghan exletler tazilandi.

dali, taiz, lahich, ebyen we edenning oxshimighan jaylirida yashaydighan minglarche ailige yémek-ichmek yardem qildi.