washingtondiki bir kochigha jemal qashiqchining nami bérildi

türkiye awazi radiyosi xewiri: amérikada seudi erebistan elchixanisi jaylashqan kochigha, istanbuldiki seudi erebistan konsulxanisida öltürülgen zhurnalist jemal qashiqchining ismini bérish, mehelle meslihet komitétida ötküzülgen awaz tashlashta qobul qilindi.

amérika taratquliridiki xewerlerde körsitilishiche, mehelle meslihet komitéti seudi erebistanning washingtondiki elchixanisi jaylashqan niyu xampshayr kochisining bir qismini «jemal qashiqchi kochisi» dep özgertishni qobul qilghan.

komitét buni seudiylargha her küni qashiqchi jinayitini qobul qilghili bolmaydighanliqini xatirilitish meqsitide emelge ashurghanliqini eskertken.

bildürülishiche, bu özgertishning resmiylishishi üchün washington d. s kéngishining testiqlishi kérek iken.

seudi erebistanliq zhurnalist jemal qashiqchi 2-öktebir toy resmiyetlirini béjirish üchün istanbuldiki seudi erebistan konsulxanisigha barghinida weshiylerche öltürülgen idi.