srébrénitsa murasimlirida kimliki yéngi éniqlanghan qurbanlar depne qilinidu
srébrénitsa irqiy qirghinchiliqining 23-yilida potochari xatire qebristanliqigha depne qilinidighan kimliki éniqlanghan 35 kishining yerliki kolinip teyyar boldi.
türkiye awazi radiyosi xewiri: yawropada 2-dunya urushi (1945-1939) din kéyin yüz bergen eng chong insaniyet tiragédiyesi dep atalghan srébrénitsa irqiy qirghinchiliqining 11-iyul ötküzülidighan xatirilesh paaliyetliride depne qilinidighan, kimliki éniqlanghan 35 kishini depne qilish ishlirining teyyarliqi axirlashti.
potochari xatire qebristanliqida 11-iyul ötküzülidighan depne murasimida ,bu yil yerlikke qoyulidighan qurbanlardin eng kichiki 16 yashliq wesid ibrij, eng chongi bolsa 71 yashliq sahin xalilowijtur.
depne qilinidighanlar arisida yene, orman yolida yoldishi bilen bille qachqanda alte ayliq hamile bolushigha qarimay sérb qisimliri teripidin rehimsizlerche öltürülgen remzija dudijmu bar.
bu yil (2018) potochari xatire qebristanliqida 30-20 ming kishining qatnishishi astida miyt namizi oqulidu. potochari xatire qebristanliqida ötküzülgen murasimlarda, bügüngiche 6575 qurban depne qilindi. biraq, aridin 23 yil ötken bolsimu hazirghiche mingdin artuq qurbanning jesiti tépilmidi.
adem qassipi ratko mladich qomandanliqidiki sérb qisimliri 1995-yili 11-iyul srébrénitsani ishghal qilghandin kéyin, b d t tarmiqidiki gollandiye eskerlirining qoghdishi astida panahliniwatqan boshnaqlar sérblargha tapshurup bérilgen idi.
sérb qisimliri ayal we balilarning boshnaq eskerlerning kontrolluqidiki rayongha kétishige ruxset qilghan. shundaqtimu eng az dégende 8372 boshnaqni ormanliqlarda, zawutlarda we iskilatlarda öltürüp, hemmisini kömüwetken idi.
مۇناسىۋەتلىك خەۋەرلەر
nigériyelik yash süniy chach yasashta jinés dunya rékortigha kirdi
nigériyelik süniy chach ustisi özi yasighan «eng keng süniy chach» jinés dunya rékortigha kirdi.
