marsta zor bayqash qolgha keldi
amérika alem qatnishi idarisi nasa (NASA) marsning géyil kréytéri (Gale Krateri) kölidin élinghan ewrishkilerde organik maddilarni bayqidi.
türkiye awazi radiyosi xewiri: nasa alimliri marsta 2012-yildin tartip tekshürüsh élip bériwatqan "qiziqish" mashina adimi géyil kréytéri kölining astidin ewrishke alghan texminen 3.5 milyard yilliq qiyaliqta organik maddilar barliqini élan qildi.
alimlar marstiki organik maddilarni, qedimki hayatliqning ispati, hayatliq üchün ozuqluq menbesi yaki hayatliqning ornida mewjut bolghan bashqa sheyi dep qarashqa bolidighanliqini eskertti.
nasaning kaliforniyediki "Jet İtki" tejribixanisining xadimi ashwin wasawada: "eger her qandaq waqitta hayatliq bar bolghan bolsa, kélechektiki nishanda burunqi hayatliqning alametlirini tépish pursiti köpeydi, dégenlik bolidu" dédi.
"qiziqish" mars atmosférasidiki pesillik métanning köpiyishini ölchigen bolup, alimlar biologiyelik menbeni nezerdin saqit qilmaydighanliqlirini eskertti.
alimlar marsta bir chaghlarda mikro organizmlarning barliqi, hetta hazirmu bar bolush mumkinlikini eqilge keltüridighan yéngi bayqashlarni, ötmüshte yaki hazirmu hayatliqning ispati, dep qarashqa bolidighanliqini tektlimekte.
