dunya bazirida türk chatma téléwiziye tiyatirliri bazar tapti
medeniyet we sayahetchilik ishliri muawin ministiri hüseyin yayman dunya bazirida türk chatma téléwiziye tiyatirlirining bazar tépiwatqanliqini bildürdi.
türkiye awazi radiyosi xewiri: medeniyet we sayahetchilik ishliri muawin ministiri hüseyin yayman dunya miqiyasida amérikida ishlengen köp qisimliq téléwiziye tiyatirliridin qalsa türkiyede ishlengen köp qisimliq téléwiziye tiyatirlirining eng köp sétiliwatqanliqini bildürdi.
yayman yawropaliq türk démokratchilar uyushmisining daniye shöbesi bilen musteqil soda-sanaetchiler uyushmisining daniye shöbesi birliship uyushturghan «dinlar, tillar we medeniyetlerning böshüki anadolu»témiliq yighinda söz qildi.
hüseyin yayman buningdin kéyin medeniyet-senet saheside téximu köp xizmet qilidighanliqlirini eskertti.
medeniyet we sayahetchilik ishliri muawin ministiri yayman, kelgüside tarixqa munasiwetlik téléwiziye tiyatirlirining téximu köp körülidighanliqini bildürüp mundaq dédi: «hem türkchini öginish hemde türkiyening hékayisini bayan qilish nuqtisidin türk téléwiziye tiyatirliri tolimu muhim orunda turidu.»
