erdoghan t r t ning 53 yashqa tolghanliqini tebriklidi
döltimiz jumhur reisi rejep tayyip erdoghan türkiye radiyo-téléwiziye idarisi (t r t) qurulghanliqining 53 yilliqi munasiwiti bilen, t r t bash mudir shenol gökagha télégramma ewetti.
türkiye awazi radiyosi xewiri: jumhur reis rejep tayyip erdoghan t r t qurulghanliqining 53 yilliqini tebriklep télégramma ewetti. u: «t r t türk tiligha, milliy we meniwi bayliqlirimizgha bolghan sezgür meydanini qoghdap, bashqa axbarat organlirigha ülge boluwatidu» dédi.
u télégrammisida t r t ning xelqning arzu-ümidlirini eks ettürgen axbaratchiliq qarishi bilen tarqatqan pirogrammilirining qizghin qarshi élishqa muyesser bolghanliqini eskertip, mundaq dédi:
«yérim esirdin artuq waqittin buyan toplighan tejribe-sawaqlirini küchlük téxnika astiqurulmisi bilen birleshtürüp, yéngi téléwiziye qanalliri we köp xil tilliq anglitishliri bilen keng körürmenlirini künséri ashuruwatqan t r t, bügün dunya téléwiziyeliri arisida muhim orungha ige boldi.»
t r t qurulghanliqining 53-yilliqi munasiwiti bilen, t r t bash mudiri shenol göka we uning hemrahliqidiki heyet atatürk xatire sariyini ziyaret qilip, atatürk qebrisige gülchembirek qoydi. shenol göka atatürk xatire sariyining xatire deptirige yazghan béghishlima sözide, t r t ning yuqiri sewiyelik we pirinsipchan bolushtin ibaret axbaratchiliq qaidesini qetiy dawamlashturidighanliqini bildürdi.