t r t yene mukapatqa layiq körüldi

türkiye awazi radiyosi xewiri: anadolu pirogramma anglitish jemiyiti mukapatqa érishken téléwiziye tiyatirliri üchün paytext enqerede mukapat tarqitish murasimi ötküzdi. murasimgha, muawin bash ministir numan qurtulmush, emgek we ijtimaiy parawanliq ministiri mehmet müezzinoghlu we bashqa munasiwetlik kishiler qatnashti.

numan qurtulmush murasimda muhim söz qildi. u xelqning dollar we yawroni türkiye lirasigha almashturush seperwerlik dolqunigha yéqindin köngül bölgenlikini, dollar arqiliq qilinidighan sodilarning aldini élish üchün hej we ömre ibadetliri heqqiningmu lira bilen hésablinip élinidighanliqini éytti. u mundaq dédi:

«bu intayin muhim. téléwiziye pirogrammisini tarqitidighanlar töleydighan türksat süniy hemrahi heqqimu türkiye lirasi boyiche bolidu. inshaallah aldimizdiki künlerde türksat bilen uchrishish ötküzülidu we heqqini türkiye lirasi boyiche alidu. buni anadolu taratqusigha paydiliq bolidu, dep oylaymen.»

türkiye radiyo-téléziye idarisi mukapatini tapshuruwaldi. xewer, tenterbiye, köngül échish we medeniyet-senet türi boyiche muweppeqiyetlik pirogramma tarqitiwatqan t r t, yilning eng yaxshi téléwiziyesi bolup bahalandi. t r t ning mukapatini bash mudir shenol göka muawin bash mudir numan qurtulmushtin tapshuruwaldi.

t r t, anadolu pirogramma tarqitish jemiyitining bu qétimqi 2-nöwetlik anadolu médiya mukapat tarqitish murasimida oxshimighan besh mukapatqa layiq körüldi. «sewda qushning qanitida» qisimliq téléwiziye tiyatiri, yilning qisimliq téléwiziye tiyatiri bolup bahalandi. «tirilish ertughrul» namliq qisimliq téléwiziye tiyatirida halime xatunning rolini alghan esra bilgich, yilning eng yaxshi téléwiziye tiyatir artisi bolup bahalandi. «ömür dégining» namliq höjjetlik filim, yilning eng yaxshi höjjetlik filimi bolup bahalandi.

mukapatqa érishken filimlerning téléwizor ékranida körünüshini kapaletke ige qilghan t r t muawin bash mudiri ibrahim erenmu mukapatqa layiq körüldi.