yalghan may boyaq resim senet dunyasida dawalghush peyda qildi

türkiye awazi radiyosi xewiri: senet dunyasi bir yalghan may boyaq resim setchiliki bilen dawalghumaqta؛ engliyening dangliq baha talashturup sétish orniSotheby's  ning buningdin besh yil ilgiri 10 milyon 600 ming dollargha satqan gollandiyelik ressam frans xalsning «natonush adem» namliq may boyaq resimining saxta ikenliki ispatlandi.

resimning igisi bolghan amérikiliq asare – etiqilerni toplighuchi, saxta may boyaq resimge alaqidar bir xewerni oqughandin kéyin, qolidiki eserningmu mezkur saxta resimni satquchidin sétiwélinghanliqini , shunga uningmu saxta bolush éhtimalliqini nezerge élip, baha talashturup sétish merkizige iltimas sundi. netijide baha talashturup sétish merkizi tekshürüsh élip bérip, resimning saxta ikenlikini éniqlap chiqti.

senet yadikarliqliri baziri mutexesissliri, arqa – arqidin kelgen saxta may boyaq resim weqelirige <bir esirning eng éghir senet setchiliki> dep baha berdi.

ularning qarishiche, eng küchlük endishe mahirliq bilen teyyarlanghan köpligen saxta senet yadikarliqlirining bazarlarda aylinip yürgen bolushi iken.

nöwette bazarlarda 250 milyon dollar qimmitidiki 25 etrapida saxta may boyaq resmiy bar bolushi mumkin, dep mölcherlenmekte.