istanbulda fethullahchilarning herbiy-siyasiy isyani toghruluq foto-süret körgezmisi échildi

türkiye awazi radiyosi xewiri: anadolu agéntliqi teripidin uyushturulghan«fethullahchi térrorluq teshkilatining herbiy-siyasiy özgirish qozghashqa urunush herikiti»ge munasiwetlik foto-süret körgezmisi istanbulluqlarni jelp qildi.

anadolu agéntliqining fethullahchi térrorluq teshkilati parallél dölet qurulmisining 15-iyuldiki herbiy-siyasiy özgirish qozghashqa urunush herikiti esnasida yüz bergenlerge munasiwetlik foto-süret körgezmisi yenikapi, taksim métro istansisiliridin sirt, zinjirlikuyu métrobus istansisidimu échildi.

taksim métro istansisiliridin sirt zinjirlikuyu métrobus istansisida échilghan körgezme 21-awghustqiche dawamlishidu.

bu qétimqi körgezmini ziyaret qilghan istanbulluqlar, türkiyedek güzel bir dölette bundaq bir échinishliq tiragédiyening yüz bérishining tolimu epsusliniarliq ish bolghanliqini éytip, foto-süretlerning tolimu tesirlik ikenlikini bildürüshti.

15-iyul tiragédiyesining ikkinchilep yüz bermeslikini arzu qilidighanliqlirini éytishqan istanbulluqlar, kelgüsi ewladlargha parlaq kélechek miras qaldurup qoyushning lazimliqini ipade qilishti.

istanbulluqlar weten we bayraq söygüsini héchkimning xoritishqa qurbi yetmeydighanliqinimu alahide tekitleshti.