osman ghazi köwrüki

türkiye awazi radiyosi xewiri: jumhur reis rejep tayyip erdoghan, bash ministir dawutoghlu, qatnash, déngizchiliq we uchur ishliri ministiri binali yildirim izmit qoltuqigha sélinghan osman ghazi köwrüki layihesini ishqa kirishtürdi.

jumhur reis erdoghan istanbul – bursa – izmir döletlik tash yol layihesining eng chong qismini teshkil qilidighan izmit qoltuqi köwrükining ismining «osman ghazi köwrüki» ge özgertilidighanliqini tekitlep mundaq dédi: «izmit qoltuqi asma köwrükining dawami bolghan tash yol, 9 milyard dollarliq layihe bolghan istanbul - izmir tash yolining deslepki qismini teshkil qilidu. bu yil 20 kilométirliq izmir – kamalpasha qismi ishqa kirishtürülidighan tash yolning hemmmisi 2018 – yili tamamlinidu.»

9 milyard dollar meblegh sélinghan tash yol türkiyening 2023 – yilliq layiheliri ichidiki tamamlanghanliridin biri bolup, qurulushi kéler ay pütidighan köwrükning uzunluqi 2 ming 682, égizliki 252, kengliki 36 métir kélidu. köwrük pütkende istanbuldin bursagha 45 minutta barghili bolidu.

ikki munar otturisidiki musape 1550 métir bolup, köwrük bu alahidiliki bilen dunya boyiche tötinchi, yawropa boyiche ikkinchi chong oronda turidu.

jumhur reis erdoghan döletlik tash yol layihesining yene bir qismi bolghan bursa – izmir tunélinimu ishqa kirishtürdi.