осман ғази көврүки
измит қолтуқиниң икки қирғиқини бирләштүридиған осман ғази көврүки.
түркийә авази радийоси хәвири: җумһур рәис рәҗәп таййип әрдоған, баш министир давутоғлу, қатнаш, деңизчилиқ вә учур ишлири министири бинали йилдирим измит қолтуқиға селинған осман ғази көврүки лайиһәсини ишқа кириштүрди.
җумһур рәис әрдоған истанбул – бурса – измир дөләтлик таш йол лайиһәсиниң әң чоң қисмини тәшкил қилидиған измит қолтуқи көврүкиниң исминиң «осман ғази көврүки» гә өзгәртилидиғанлиқини тәкитләп мундақ деди: «измит қолтуқи асма көврүкиниң давами болған таш йол, 9 милйард долларлиқ лайиһә болған истанбул - измир таш йолиниң дәсләпки қисмини тәшкил қилиду. бу йил 20 километирлиқ измир – камалпаша қисми ишқа кириштүрүлидиған таш йолниң һәмммиси 2018 – йили тамамлиниду.»
9 милйард доллар мәбләғ селинған таш йол түркийәниң 2023 – йиллиқ лайиһәлири ичидики тамамланғанлиридин бири болуп, қурулуши келәр ай пүтидиған көврүкниң узунлуқи 2 миң 682, егизлики 252, кәңлики 36 метир келиду. көврүк пүткәндә истанбулдин бурсаға 45 минутта барғили болиду.
икки мунар оттурисидики мусапә 1550 метир болуп, көврүк бу алаһидилики билән дунйа бойичә төтинчи, йавропа бойичә иккинчи чоң оронда туриду.
җумһур рәис әрдоған дөләтлик таш йол лайиһәсиниң йәнә бир қисми болған бурса – измир тунелиниму ишқа кириштүрди.
