60 dölet «tirilish ertughrul» ni telep qildi

türkiye awazi radiyosi xewiri: t r t bash mudiri shenol göka 60 qa yéqin dölettiki meblegh salghuchilarning, qisimliq téléwiziye tiyatiri«tirilish ertughrul» ning tarqitish hoquqini sétiwélish üchün iltimas sunghanliqini bildürdi.

shenol göka anadolu agéntliqi muxbirining ziyaritini qobul qilip, yéqinqi mezgillerdiki tereqqiyating tesiride, t r t ning hemme qanallirigha bolghan qiziqishning éshiwatqanliqini eskertti. u barliq téléwiziye tiyatirliri we pirogrammilarning pütünley dégüdek aldinqi beshning ichige kirgenlikini, buningda «tirilish ertughrul» ning köp hessisining barliqini éytti.

u t r t diki yéqinqi mezgillerde qolgha keltürülgen tereqqiyatlar üstide toxtalghanda, chet ellerdin kéliwatqan «tirilish ertughrul» gha bolghan teleplerni alahide tilgha aldi. u mundaq dédi:

«hazirche kélishimler tüzülmidi. 23 – aprél antalyada yermenke échilidu. biz uninggha parallél qilip, bir yermenke achimiz. yermenkige 84 döletning rézhissorliri we diréktorlirini teklip qilimiz. yermenkidin kéyin hemme ishlar éniq bolidu. hazirche bezi teklipler bar, emma téxi éniq emes. dunyaning her qaysi jayliridiki 60 qa yéqin dölettin kelgen muhim telepler bar.»