elqassam birigadaliri israiliye qisimlirigha zerbe bérishni dawamlashturmaqta
pelestin qarshiliq körsitish herikiti hamasning herbiy qaniti izzeddin elqassam birigadaliri ghezzediki toqunushta nurghun israiliye eskirini ujuqturghanliqini we herbiy aptomobillarni pachaqlap tashlighanliqini élan qildi.
türkiye awazi radiyosi xewiri: qassam birigadasining télégramma adrésidiki yazma bayanatida, islam jihad herikitining herbiy qaniti quddus etretliri bilen birlikte, ghezzening shimalidiki jibaliye panahlanghuchilar lagérida turushluq israiliye eskerlirige ortaq hujum qilghanliqini bildürdi. pelestinlik chengchilerning jibaliye lagéridiki shehid imad aql jamesining arqisigha jaylashqan israiliye eskerliri bilen toqunushqanliqi we israiliye eskerliri arisidajénidin ayrilghan we yarilanghanlarning köplüki uqturuldi.
el-albani kochisidiki toqunushta, israiliye eskerlirining ujuqturulghanliqi we el- ejarime kochisida bolsa, israiliye armiyesining «mérkawa» tipliq tankisining pachaqlap tashlanghanliqi eskertildi.
elqassam birigadasi jibaliye panahlanghuchilarlagérining sherqide israiliye armiyesining ikki tankisining pachaqlanghanliqini we jibaliye lagérining shimalida bolsa, israiliye qisimlirining «yasin -105» rakétasi bilen hujum nishani qilinghanliqini körsitidighan körünüshlerni hembehrlidi.
ghezze shehirining tél el-hewa rayonining jenubidiki netzarim karidorida, bir israiliye eskirining pelestinlik mergen teripidin ujuqturulghanliqi we israiliyening jenubidiki sdérot shehirigimu rakétamiyot hujumi qilinghnliqi bildürüldi.
ghezze rayonining jenubidiki refah shehiride bolsa, refah chégra éghizidiki israiliye eskerlirige minamyot hujumi qilinghanliqi uqturuldi. refahning sherqidimu israiliye armiyesining aptomobillirining hujumgha uchrighanliqigha dair melumat bérildi.
israiliye armiyesi 6-may (2024) diki bayanatida, refahning sherqidiki bezi mehellilerning mejburiy boshitilishini telep qilghan we 7- may etigende ghezzening refah rayonigha quruqluq hujumi bashlighan bolup, misir bilen bolghan chégra éghizining ghezze teripini ishghal qilghanliqlirini jakarlighan idi.
israiliye qisimliri ishghal qilghan rayon, misir chégrasidiki refah chégra éghizi qatarliqlarni öz ichige alidu, bu ghezzege insanperwerlik yardimi yetküzüshning asasliq nuqtisi we ghezze rayonidiki pelestinliklerning chet elge chiqishdiki birdinbir ötüsh éghizi idi.
israiliyening 7 - öktebir (2023) din buyan ghezze rayonigha qiliwatqan wehshiyane hujumlirida, kem dégende 15 ming 103 kichk bala we 9 ming 849 ayalni qoshqanda, jemiy 35 ming 456 pelestinlik öltürüldi, 79 ming 476 pelestinlik yarilandi. bina xarabilikliri astida hazirmu yene minglighan kishining jesiti barliqi bildürülmekte. shundaq bolushigha qarimay, israiliye qisimliri xelq panahliniwatqan doxturxana we maarip orunlirini wehshiylerche hujum nishani qilishni dawamlashturmaqta.
