ghezzede israiliye armiyesige tewe 21 herbiy aptomobil hujum nishani qilindi
ghezze rayonidiki pelestin guruppiliri israiliye armiyesige tewe 21 herbiy aptomobilni hujum nishani qildi.
türkiye awazi radiyosi xewiri: pelestin qarshiliq körsitish herikiti (hamas) ning herbiy qaniti bolghan izzeddin elqessam birigadiliri bilen islamiy jihad herikitining herbiy qaniti bolghan quddus qisimliri teripidin bu heqte élan qilinghan yazma bayanatta körsitilishiche, pelestin guruppiliri tünügün ghezze rayonining jenubidiki refah, shimaldiki jibaliye musapirlar lagérining sherqiy we ghezze shehirining ezzeytun mehelliside israiliye armiyesi bilen shiddetlik toqunushqan.
toqunushlar dawamida 14 tanka, 4 dane topa ittirish mashinisi we 3 xadim toshush mashinisini öz ichige alghan israiliye armiyesige tewe 21 herbiy aptomobil hujum nishani qilinghan.
israiliye qisimliri refah rayonida ilgiri tuzaq qurup qoyulghan bir tonélgha kirmekchi bolghanda, tonélning kirish éghizigha orunlashturup qoyulghan partlatquch partlap, bezi eskerler ölgen, beziliri yarilanghan.
refah rayonida partlatquch orunlashturup qoyulghan bir öyning partlishi netijiside öydiki israiliye alahide qisimlirining bezisi ölgen, beziliri yarilanghan.
