ئىسرائىلىيەنىڭ ۋەھشىيانە ھۇجۇملىرىدا ئۆلتۈرۈلگەن پەلەستىنلىكلەرنىڭ سانى 34 مىڭ 535 كە يەتتى

تۈركىيە ئاۋازى رادىيوسى خەۋىرى: پەلەستىن سەھىيە مىنىستىرلىقىنىڭ باياناتىدا، يېقىنقى 24 سائەت ئىچىدە غەززە رايونىغا قىلىنغان 5 قېتىملىق ھۇجۇمدا 47 پەلەستىنلىكنىڭ شېھىت قىلىنغانلىقى ۋە 61 پەلەستىنلىكنىڭ يارىلانغانلىقى بىلدۈرۈلدى.

باياناتتا يەنە، 207 كۈندىن بېرى داۋاملىشىۋاتقان ھۇجۇملار تۈپەيلىدىن ئۆلتۈرۈلگەن پەلەستىنلىكلەر سانىنىڭ 34 مىڭ 535 كە ۋە يارىلانغانلار سانىنىڭ 77 مىڭ 704 كە قەيت قىلىندى.