iraqtiki bir tebiiy gaz meydani hujumgha uchridi

türkiye awazi radiyosi xewiri: iraqning sulaymaniye shehiridiki kor-mor tebiiy gazliqining uchquchisiz hawa apparati hujumigha uchrap, yemenlik 4 ishchining hayatidin ayrilghanliqi, 2 ademning yarilanghanliqi bildürüldi.

igilinishiche, uchquchisiz hawa apparati bilen qilinghan hujumdin kéyin, kor-mor tebiiy gaz meydanida ot apiti yüz bergen bolup, neq meydangha nurghun qutquzush mashinisi we ot öchürüsh etriti ewetilgen.

töt yemenlik ishchi qaza qilghan, ikki adem yarilghan hujumdin kéyin tekshürüsh bashlanghan bolup, alaqidar tarmaqlar tebiiy gaz meydanining éghir derijide talapetke uchrighanliqini, shunga rayonda tok üzülüp qélishi ehwallirining körülüsh mumkinchiki barliqini otturigha qoyghan.

gerche hazirghiche héchkim yaki terep bu hujumning jawabkarliqini üstige almighan bolsimu, emma amérika tashqi ishlar ministirliqi énérgiye ul eslihelirige qilinghan hujumni eyiblidi.

kor-mor tebiiy gaz meydani yéqinqi yillardin buyan köp qétim hujumgha uchrighanidi.