ирақтики бир тәбиий газ мәйдани һуҗумға учриди
ирақниң сулайманийә шәһиридики кор-мор тәбиий газлиқ учқучисиз һава аппарати һуҗумиға учриди.
түркийә авази радийоси хәвири: ирақниң сулайманийә шәһиридики кор-мор тәбиий газлиқиниң учқучисиз һава аппарати һуҗумиға учрап, йәмәнлик 4 ишчиниң һайатидин айрилғанлиқи, 2 адәмниң йариланғанлиқи билдүрүлди.
игилинишичә, учқучисиз һава аппарати билән қилинған һуҗумдин кейин, кор-мор тәбиий газ мәйданида от апити йүз бәргән болуп, нәқ мәйданға нурғун қутқузуш машиниси вә от өчүрүш әтрити әвәтилгән.
төт йәмәнлик ишчи қаза қилған, икки адәм йарилған һуҗумдин кейин тәкшүрүш башланған болуп, алақидар тармақлар тәбиий газ мәйданиниң еғир дәриҗидә талапәткә учриғанлиқини, шуңа районда ток үзүлүп қелиши әһваллириниң көрүлүш мумкинчики барлиқини оттуриға қойған.
гәрчә һазирғичә һечким йаки тәрәп бу һуҗумниң җавабкарлиқини үстигә алмиған болсиму, әмма америка ташқи ишлар министирлиқи енергийә ул әслиһәлиригә қилинған һуҗумни әйиблиди.
кор-мор тәбиий газ мәйдани йеқинқи йиллардин буйан көп қетим һуҗумға учриғаниди.
