reisi iranning yadro qorali toghrisidiki meydanini otturigha qoydi
iran pirézidénti ibrahim reisi dölitining yadro we mudapie telimatida yadro qorali ishlepchiqirishning orni yoqluqini éytti.
türkiye awazi radiyosi xewiri: iran pirézidénti reisi paytext téhranda ötküzülgen «2024-yilliq iran yermenkisi»ning échilish murasimidiki sözide, iranning yadro qorali ishlepchiqirishidin ensiresh ehwallirini tilgha élip: «bizning telimatimizda yadro we mudapie sanaitini öz ichige alghan qorallarni ishlepchiqirishning orni yoq. bu yétekchimiz (eli xameniy)ning petiwasi» dédi.
reisi téhranning yadro téxnikisini puqrawi ishlargha ishletkenlikini we buningdin kéyinmu ishlitidighanliqini eskertti.
iran rehbiri xamenéy 2000-yillarning béshida petiwa chiqirip, yadro qorallirini tereqqiy qildurush we uni ishlitishni chekligenidi.
israiliye 1-aprél iranning demeshiqtiki konsulxanisigha hujum qilghandin kéyin, irandiki bir qisim siyasiyonlar xamenéyning petiwasining özgirishi mumkinlikini, iranningmu yadro qorali ishlepchiqarsa bolidighanliqini otturigha qoyghanidi.
مۇناسىۋەتلىك خەۋەرلەر
