baydin chet döletlerge qilinidighan herbiy yardem pilanini testiqlidi
amérika pirézidénti jo baydin ukrainagha 61 milyard dollar, israiliyege 26 milyard dollar herbiy yardem bérishni öz ichige alghan 95 milyard dollarliq chet el yardem pilanini imzalidi.
2131925
türkiye awazi radiyosi xewiri: pirézidént jo baydin aqsarayda ötküzülgen muxbirlarni kütüwélish yighinida, amérika dölet mejlisidiki her ikki palataning maqulluqidin ötüp aldigha kelgen chet el yardem pilanini derhal imzalap, ukrainagha yardem ewetishni bashlaydighanliqlirini otturigha qoydi.
baydin amérikaning ittipaqdashliri bilen birlikte küchlük ikenlikini, mezkur chet elge yardem bérish pilani dairiside ukraina, israiliye we hindi-tinch okyan rayoni (teywen) gha körünerlik derijide yardem ewetidighanliqlirini tekitlidi.
ghezzege hujum qilip minglarche pelestinlikning ölümini keltürüp chiqarghan israiliyeni shertsiz qollashni dawamlashturushi eyibleshke uchrighan amérika hökümiti, bu qétimqi herbiy yardem pilani dairiside israiliyege yene 26 milyard dollar yardem béridu.
baydin israiliyege bérilidighan yéngi yardem pilanini «tél awiwning téhrandin özini qoghdishi» dep aqlap, «men israiliyening iran we u qollawatqan térrorchilardin özini qoghdashqa yétidighan nersilerge ige ikenlikidin her waqit xatirjem bolimen» dédi.
israiliye armiyesi 2023-yili 7-öktebirdin buyan dawamlashturuwatqan ghezze hujumlirida qaza qilghan pelestinlikler sani14685 i kichik bala, 9760i ayal bolup, jemiy 34262 ge, yarilanghanlar sani 77229 gha yetti.
