chili pirézidénti gabriél borich: «israiliyening ghezzediki hujumliri wehshiylik»
chili pirézidénti gabriél borich israiliyening 7 - öktebirdin buyan ghezzede dawamlashturiwatqan hujumlirini «wehshiylik» dep teriplidi.
türkiye awazi radiyosi xewiri: gabriél borich ijtimaiy alaqe hésabida, israiliye hujumida anisi, dadisi we 4 yashliq achisidin ayrilip qalghan bowaq sabrinning inkubator (nepeslendürgüch mashinisi) ichidiki resimini hembehirlidi.
chili pirézidénti gabriél borich: «israiliye hökümitining ghezzede qiliwatqan wehshiylikidin ejeplinishni we ghezeplinishni toxtatmayli! 34 mingdin artuq adem öltürüldi. hepte axirida öltürülgen bir anining qorsiqidin qizi muweppeqiyetlik chiqirildi. emdi urush toxtisun» dédi.
gabriél borich kéyin pirézidéntliq sariyi la monédada muxbirlargha bayanat bérip, ghezzediki qirghinchiliq dawamlashidighanla bolsa, israiliyedin qayturup kélingen tél awiw bash elchisining israiliyege ewetilmeydighanliqini tekitlidi.
gabriél borich 7-öktebirdiki hujumlar üstidimu toxtilip: «hamas térorluq teshkilatining 7-öktebir qilghanliri shübhisizki wehshiylerche idi, emma pelestin xelqini buning bedilini töleshke mesul tutushqa bolmaydu» dédi.
israiliyening 20 - aprélda rafahqa qilghan hujumida, sabrin bowaqning öyi bombardiman qilinghan we pütün bir aile yoq qilinghan idi.
chili pirézidénti borich israiliyening ghezzede dawamlishiwatqan hujumliri sewebidin 1 - noyabirda tél awiw bash elchisini qayturup kelgen idi.
مۇناسىۋەتلىك خەۋەرلەر
kolumbiye pirézidénti israiliye bilen diplomatik munasiwetni üzüshni qarar qildi
kolumbiye pirézidénti gustaw pétro israiliye bilen diplomatik munasiwetni üzüsh qararini qollidi.
