zéléniskiy baydin bilen téléfonlashti

türkiye awazi radiyosi xewiri: zélénskiy özining ijtimaiy taratqudiki adrésida bayanat élan qilip, amérika awam palatasi ukrainagha yardem bérish pilanini testiqlighandin kéyin, pirézidént baydin bilen téléfonlashqanliqini bildürdi.

baydinning kéngesh palatasining testiqidin ötse, qanungha derhal imza qoyidighanliqini kapaletlendürgenlikige isharet qilghan zélénskiy: «men jo baydinning ukrainagha qilghan tewrenmestin qollishidin we uning dunyawi rehberlik ornidin minnetdarmen» dédi.

zélénskiy baydingha rusiyening ukrainagha nechche ming dane bashqurulidighan bomba, uchquchisiz hawa apparati we bomba bilen qilghan hawa hujumliri heqqide uchur bergenlikini eskertti.

téléfon söhbiti jeryanida, ukrainagha yardem bérish qanuni testiqlanghandin kéyin, amérikaning ukrainani teminleydighan tunji mudapie boliqiningmu muzakire qilinghanliqini tekitligen zélénskiy, baydinning bu bolaqning téz we küchlük bolidighanliqi, ayropilangha qarshi turush, uzun musapilik qorallar we zembirekchi qisimlarning kücheytilidighanliqi toghrisida kapalet bergenlikini bildürdi.

u yene, ikki terep otturisida bixeterlik kélishimi imzalash we pat arida ötküzülidighan tinchliq yighinining teyyarliq xizmetliriningmu muzakire qilghanliqini sözlirige ilawe qildi.