israiliyening ghezzege qilghan hujumlirida nurghun adem öldi
israiliye armiyesining tün boyi ghezze rayonining ottura we jenubidiki rayonlargha qilghan hawa hujumlirida nurghun adem hayatidin ayrildi.
türkiye awazi radiyosi xewiri: pelestinning resmiy xewer agéntliqi «WAFA» ning xewer qilishiche, israiliye urush ayropilanliri ghezze rayonini bombardiman qilishni 199-künimu dawamlashturghan. jümlidin israiliye urush ayropilanliri ghezzening jenubigha jaylashqan xan yunus shehirining sherqiy jenubidiki rayonlarni bombardiman qilghan, ottura qisimdiki meghazi musapirlar lagérining sherqidiki bir qisim rayonlarni topqa tutqan.
israiliye armiyesi yene, ghezzening ottura qismigha jaylashqan elbureyj musapirlar lagérining kirish éghizi we u yerdiki etteqwa jamesini bombardiman qilghan, hujum netijiside nurghun adem hayatidin ayrilghan we yarilanghan.
israiliye urush ayropilanliri ennuseyrat musapirlar lagéridiki qebristanliqni we déyr elbelex shehiridiki bir öyni bombardiman qilghan, bombardimanda nurghun adem yarilanghan.
israiliye armiyesi yene xan yunus shehirining gherbidiki elmewasi rayoni we ghezze shehirining jenubidiki ezzeytun rayonigha hujum qilghan.
israiliye armiyesining refah shehiridiki ikki öyge élip barghan hawa hujumlirida 16 bala we 6 ayalni öz ichige alghan 24 pelestinlik hayatidin ayrilghan.
