esir almashturush kélishimi imzalanmighan
isirailiye bash ministiri nétanyahu ghezzediki isirailiyelik esirlerni qoyup bérilishini kapaletke ige qilidighan esir almashturush kélishimining, «hamasning teleplirini köpeytishi» sewebidin imzalinalmighanliqini ilgiri sürdi.
türkiye awazi radiyosi xewiri: isirailiye bash ministiri nétanyahu pasxa bayrimi munasiwiti bilen tarqatqan widéoda, «ghezzediki isirailiyeliklerni qutquzush meqsitidin bir minutmu waz kechmigenliki» bildürdi.
u hamasning barliq esir almashturush tekliplirini ret qilghanliqini eskertti we isirailiye kochilirida hökümetni istépagha chaqirip, muddetttin baldur saylam ötküzüsh yaki baldurraq esir almashturush kélishimining imzalinishi üchün qiliniwatqan namayishlar üstide toxtaldi.
u mundaq dédi:
«hamas isirailiyediki bölünüshtin paydiliniwatidu we hökümetke bolghan bésimlardin jasaretliniwatidu.»
u hamasning esirlerni qoyup bérish üchün shertlirini éghirlashturuwatqanliqini, shunga kéyinki künlerde hamasqa bolghan diplomatik we herbiy bésimni kücheytidighanliliqlirini, chünki buning «esirlerni qutquzush we ghelibe qilish» ning birdinbir yoli ikenlikini ilgiri sürdi.
u amérikaning isirailiye armiyesining «nétzah yehuda» birigadisigha ghezzede kishilik hoquqqa xilapliq qilghanliqi üchün émbargo yürgüzüshni pilan qilghanliqi toghrisidiki xewerler üstide toxtilip: «eger birsi isirailiye armiyesi qismlirigha émbargo yürgüzeleymen dep oylisa, uninggha qarshi pütün küchüm bilen küresh qilimen» dédi.
bu jeryanda, isirailiye armiyesi ishtab bashliqi xérzi xaléwining ghezzede urushni dawamlashturushqa munasiwetlik pilanni testiqlighanliqi bildürüldi.
isirailiye armiyesining bayanatchisi daniyal xagari axbarat élan qilish yighinida, bu hepte ghezzening ottura qismida bir qétimliq herbiy heriketni axirlashturghanliqlirini, herbiy herikette hamasning bir herbiy eslihesini bitchit qilghanliqlirini eskertip, ghezzediki urushning kéyinki basquchliri üchün teyyarliq qilinghanliqini qeyt qildi.
xagari armiyening yönülishide héchqandaq özgirish yoqluqini, bar bolghan teqdirde uning ochuq-ashkara we mesuliyetchanliq bilen yéngilinidighanliqini bildürdi.
