hizbullah israiliyening uchquchisiz ayropilanini étip chüshürdi
hizbullah herikiti israiliyening «450-hérmis» tipliq uchquchisiz ayropilanning liwanda étip chüshürülgenlikini élan qildi.
türkiye awazi radiyosi xewiri: hizbullahning bayanatida, «liwanning hawa boshluqigha xilapliq qilip hujum qilmaqchi bolghan israiliyening <450-hérmis> tipliq uchquchisiz ayropilani aishye rayonida étip chüshürüldi» déyildi.
israiliyemu liwanda étip chüshürülgen uchquchisiz ayropilani heqqide bayanat élan qilip hujumni jezmleshtürdi.
israiliye armiyesining bayanatida, israiliye hawa armiyesining bir uchquchisiz ayropilanning liwan hawa boshluqida turghan waqitta yer yüzidin hujum nishani qilinghanliqi we netijide chüshüp ketkenliki uqturuldi.
bayanatta, uchquchisiz ayropilanning étip chüshürülüsh sewebining tekshürülgenliki we bashqurulidighan bomba qoyup bérilgen terepke qarita urush ayropilani bilen qayturma hawa hujumi qilinghanliqi eskertildi.
bayanatta yene, israiliye armiyesining «döletni qoghdash» üchün liwan hawa boshluqida heriket qilishni dawamlashturidighanliqi tekitlendi.