һизбуллаһ исраилийәниң учқучисиз айропиланини етип чүшүрди
һизбуллаһ һәрикити исраилийәниң «450-һермис» типлиқ учқучисиз айропиланниң ливанда етип чүшүрүлгәнликини елан қилди.
түркийә авази радийоси хәвири: һизбуллаһниң байанатида, «ливанниң һава бошлуқиға хилаплиқ қилип һуҗум қилмақчи болған исраилийәниң <450-һермис> типлиқ учқучисиз айропилани аишйә районида етип чүшүрүлди» дейилди.
исраилийәму ливанда етип чүшүрүлгән учқучисиз айропилани һәққидә байанат елан қилип һуҗумни җәзмләштүрди.
исраилийә армийәсиниң байанатида, исраилийә һава армийәсиниң бир учқучисиз айропиланниң ливан һава бошлуқида турған вақитта йәр йүзидин һуҗум нишани қилинғанлиқи вә нәтиҗидә чүшүп кәткәнлики уқтурулди.
байанатта, учқучисиз айропиланниң етип чүшүрүлүш сәвәбиниң тәкшүрүлгәнлики вә башқурулидиған бомба қойуп берилгән тәрәпкә қарита уруш айропилани билән қайтурма һава һуҗуми қилинғанлиқи әскәртилди.
байанатта йәнә, исраилийә армийәсиниң «дөләтни қоғдаш» үчүн ливан һава бошлуқида һәрикәт қилишни давамлаштуридиғанлиқи тәкитләнди.
مۇناسىۋەتلىك خەۋەرلەر
путин қәсәм ичип вәзипә өтәшкә башлиди
русийәдә владимир путин қәсәм берип, бәшинчи нөвәт пирезидентлиқ вәзиписини өтәшни рәсмий башлиди.
