ghezzede israiliyening qetliamlirida ölgenlerning sani 34 ming 151 ke yetti
israiliye armiyesining 2023-yili 7-öktebirdin bashlap ghezze rayonida dawamlashturuwatqan qetliamlirida qaza qilghan pelestinliklerning sani yéqinqi 24 saet ichide 54 köpiyip, 34 ming 151 ge yetti.
türkiye awazi radiyosi xewiri: ghezzediki pelestin sehiye ministirliqi teripidin élan qilghan bayanatta, israiliyening uda 199 kündin buyan ghezze rayonida dawamlashturuwatqan hujumliri heqqide melumat bérildi.
bayanatta, israiliye armiyesining yéqinqi 24 saet ichide ghezze rayonigha qilghan hujumlirida yene 54 pelestinlikning hayatidin ayrilghanliqi we 104 pelestinlikning yarilanghanliqi bayan qilindi.
israiliyening 7-öktebirdin bashlap ghezze rayonida dawamlashturuwatqan hujumlirida qaza qilghanlar sanining 34 ming 151 ge, yarilanghanlar sanining 77 ming 84 ke yetkenliki eskertildi.
bayanatta yene, xarabiliklerning astida we yol boyliridimu ölüklerning barliqi, emma israiliye eskerlirining tosalghu bolushi sewebidin dawalash etretliri bilen xelq mudapie xadimlirining jesetlerni alalmaywatqanliqi tekitlendi.
