zéléniskiy: ukrainaning yéngi qorallargha éhtiyajliq ikenlikini otturigha qoydi
ukraina pirézidénti wiladimir zélénskiy dölitining ukraina zéminlirini rusiyening hujumliridin qoghdash üchün hawa mudapie sistémiliri, ayropilan we yiraq musapilik bashqurulidighan bombilargha éhtiyaji barliqini éytti.
türkiye awazi radiyosi xewiri: ukraina pirézidénti zélénskiy ukraina-shimaliy atlantik ehdi teshkilati — natoning mudapie ministirliri derijilik tor yighinida söz qildi؛ rusiyening ukrainaning her qaysi sheherlirige toxtimay hujum qiliwatqanliqini bildürgen zélénskiy, yil béshidin buyan ukraina tewelikige texminen 1200 dane bashqurulidighan bomba qoyup bérilgenlikini we 1500 uchquchisiz hawa apparati yollanghanliqini eskertti.
rusiye armiyesining hawada üstünlükke ige ikenlikini, ukrainaning bu jehettiki iqtidarining cheklik ikenlikini bildürgen zélénskiy, sözini dawamlashturüp: «biz mudapie üchün kem dégende 7 dane wetenperwer we shuninggha oxshash hawa mudapie sistémisigha mohtaj. bular nurghun kishilerni qutuldurup, heqiqiy menide weziyetni özgertelishi mumkin. bu sistémilar silerde (yeni natoda) bar. eskerlirimizning qolida uzun musapilik qorallar qanche köp bolsa, tinchliq shunche yéqinlishidu. nöwette firontlar yiraq musapilik bashqurulidighan bomba we zembireklerge nahayiti küchlük éhtiyajliq. rusiye hawa armiyesini yéngish üchün yéterlik ayropilan lazim» dégenlerni qeyt qildi.
