ukraina meghlub bolushi mumkin iken

türkiye awazi radiyosi xewiri: amérika merkiziy axbarat idarisi (CIA) ning bashliqi wilyam burns ukrainaning yil axirighiche yil axirighiche rusiyege qarshi urushta meghlub bolidighanliqi toghrisida bayanat élan qildi.

mezkur bayanatning ukrainagha yardem bérish pilani kongrede muzakire qiliniwatqan bir waqitta, jo baydin hökümitining bügüngiche élan qilghan eng qattiq agahlandurush ikenliki bildürüldi.

burnisning bu bayanatni 20-aprél awam palatasida ötküzülidighan awaz tashlashtin ilgiri élan qilishi alahide diqqet qozghidi.

awam palatasida awazgha qoyulidighan yardem pilanining miqdari 94 milyard dollar. bir türküm muteessip jumhuriyetchiler ukrainagha yardem qilishqa qarshi chiqip, buning ornigha amérika chégrasini qanunsiz köchmenlerdin qoghdashqa ehmiyet bérishni otturigha qoymaqta.

amérika merkiziy axbarat idarisi ilgirimu kongre yardem pilanini maqullimisa, ukrainaning 2024-yili muhim urush seplirini qoldin bérip qoyidighanliqi toghrisida agahlandurghan idi.

wilyam burnsning bu qétimqi agahlandurushi téximu qattiq bolup, u ukrainaning yardemge érishelmigen ehwalda moskwagha teslim bolushqa mejbur qalidighanliqini ilgiri sürdi.

u mundaq dédi:

«ukraina 2024—yilning axirighiche urushta meghlub bolushi muqerer. peqet bolmidi dégende, putin mesilini siyasiy hel qilishta özi ümid qilghan we mejburiy tangidighan sharaitlargha ige bolidighan weziyet shekillinishi mumkin.»

burns «ukrainaning meghlubiyiti» dégende, zadi némini közde tutqanliqi éniq emes. s n n (CNN) menbeliri amérika yardem qilmighan ehwaldimu, rusiye ukrainani pütünley ishghal qilalmaydu, dep qaraydu.

mutexessislerning köpinchisi, ukraina yardemge érishelmise moskwa xarkiw bilen odéssani öz ichige alghan muhim jaylarni qolgha kirgüzüwélishi we kéynche 2014-yili qirimni özige qoshuwalghinigha oxshash, urushta igelliwalghan jaylarni qoshuwélishi mumkin. mana bu ukrainaning «meghlubiyiti» démekte.