hindistan nopusi eng köp döletke aylandi
hindistan 1 milyard 441 milyonluq nopusi bilen xitayni arqida qaldurup, dunyadiki nopusi eng köp dölet bolup qaldi.
türkiye awazi radiyosi xewiri: b d t nopus fondi «2024-yilliq dunya nopus ehwali» namliq doklatini élan qildi.
doklatta, dunyada jinsiy saghlamliq we köpiyish mesilisidiki barawersizlikler nisbitining ashqanliqi alahide tekitlendi.
doklatta, afriqa ayallirining hamildarliq we tughut mezgilidiki qiyinchiliqliri sewebidin ölüp kétish éhtimalliqining, yawropa yaki shimaliy amérikadiki ayallargha sélishturulghanda 130 hesse yuqiri ikenliki, amérika qitesidimu esli afriqaliq bolghan ayallarning tughutta ölüp kétish éhtimalliqining bashqilargha sélishturulghanda yuqiri ikenliki qeyt qilindi.
bildürülishiche, dunya nopusi 8 milyard 119 milyon kishige yetken bolup, buning ichide hindistanning nopusi 1 milyard 441 milyongha yetken. shuning bilen, hindistan 1 milyard 425 milyon nopusqa ige xitayni arqida qaldurup, nopusi eng köp birinchi dölet bolup qalghan. buningda, hindistanning ijtimaiy, iqtisadiy weziyitining yaxshilinishi we anilarning ölüm nisbitining töwenlishi qatarliq amillar muhim rol oynighan.
b d t ning sanliq melumatlirigha qarighanda, 2022-yili xitay nopusi 1 milyard 426 milyongha yetkendin kéyin aziyishqa bashlighan. mutexessisler mushu esirning axirida xitay nopusining 1 milyardning astigha chüshidighanliqini mölcherlimekte iken.
