israiliye qisimlirining liwanning jenubida qilghan hawa hujumida 9 kishi yarilandi
liwanning resmiy xewer agéntliqi «NNA» ning xewirige asaslanghanda, israiliye urush ayropilanliri sur shehirige qarashliq siddiqin yézisida bir öyge hawadin hujum qilghan.
2127678
türkiye awazi radiyosi xewiri: isirailiye ayropilanlirining siddiqin yézisida bir öyni bombardiman qilghanliqi bildürüldi.
bombardimanda, öyning pütünley weyran bolghanliqi, toqquz kishining yarilanghanliqi we etraptiki nurghun öylerningmu éghir buzghunchiliqqa uchrighanliqi eskertildi.
yarilanghanlarning qutquzush aptomobili bilen rayondiki eng yéqin doxturxanigha yetküzülgenliki tekitlendi.
israiliye qisimlirining yene, liwan chégrasigha jaylashqan tayr xarfa, edduxayra, lebbun we alma eshshab qatarliq sheherlerdiki bezi jaylarnimu hawadin bombardiman qilghanliqi bildürüldi.
