xitay shimaliy koréye bilen hemkarliqni kücheytish üchün yéngi qedemlerni tashlidi
xitay bilen shimaliy koréye otturisida hemkarliqini téximu ashurush üchün yéngi qedemler tashlandi.
türkiye awazi radiyosi xewiri: shimaliy koréye rehbiri kim jongun xitay memliketlik xelq qurultiyi daimiy komitétining reisi jaw lichi bilen özara munasiwetlerni téximu chongqurlashturush toghrisida etrapliq muzakireleshti.
shimaliy koréye resmiy xewer agéntliqi KCNA ning xewirige asaslanghanda, kim jongun jaw lichi bilen paytext pyongyangda körüshken.
kim jongun bilen jaw lichi «dostane munasiwetler» ni téximu chongqurlashturush we ikki tereplik hemkarliqni kücheytishni muzakire qilishqan.
shimaliy koréye rehbiri kim jongun xitay bilen döliti otturisida «esirlerdin béri dawamlishiwatqan dostluq» ni tereqqiy qildurushning shimaliy koréyening «özgermes» siyasiti ikenlikini tekitligen.
xitay memliketlik xelq qurultiyi daimiy komitétining reisi jaw lichi tünügün (14-aprél) shimaliy koréye aliy xelq qurultiyi daimiy komitéti reisi choy ryongxé bilen körüshken hemde buning ikki dölet otturisida yéqinqi besh yildin buyan ötküzülgen eng yuqiri derijilik uchrishish bolghanliqini bildürgen idi.
