хитай шималий корейә билән һәмкарлиқни күчәйтиш үчүн йеңи қәдәмләрни ташлиди
хитай билән шималий корейә оттурисида һәмкарлиқини техиму ашуруш үчүн йеңи қәдәмләр ташланди.
түркийә авази радийоси хәвири: шималий корейә рәһбири ким җоңун хитай мәмликәтлик хәлқ қурултийи даимий комитетиниң рәиси җав личи билән өзара мунасивәтләрни техиму чоңқурлаштуруш тоғрисида әтраплиқ музакирәләшти.
шималий корейә рәсмий хәвәр агентлиқи KCNA ниң хәвиригә асасланғанда, ким җоңун җав личи билән пайтәхт пйоңйаңда көрүшкән.
ким җоңун билән җав личи «достанә мунасивәтләр» ни техиму чоңқурлаштуруш вә икки тәрәплик һәмкарлиқни күчәйтишни музакирә қилишқан.
шималий корейә рәһбири ким җоңун хитай билән дөлити оттурисида «әсирләрдин бери давамлишиватқан достлуқ» ни тәрәққий қилдурушниң шималий корейәниң «өзгәрмәс» сийасити икәнликини тәкитлигән.
хитай мәмликәтлик хәлқ қурултийи даимий комитетиниң рәиси җав личи түнүгүн (14-апрел) шималий корейә алий хәлқ қурултийи даимий комитети рәиси чой рйоңхе билән көрүшкән һәмдә буниң икки дөләт оттурисида йеқинқи бәш йилдин буйан өткүзүлгән әң йуқири дәриҗилик учришиш болғанлиқини билдүргән иди.
