rusiye pérwomayskoyé olturaq rayonining kontirolliqini qoligha chüshürgenlikini élan qildi
rusiye dölet mudapie ministirliqi awdiwiwka yönilishide ukrainaning donétsik oblastidiki pérwomayskoyé olturaq rayonining kontirolliqining rusiye armiyesining qoligha ötkenlikini élan qildi.
türkiye awazi radiyosi xewiri: rusiye dölet mudapie ministirliqining bayanatida, rusiye herbiy qisimlirining 2022 - yili 24 - féwralda bashlanghan rusiye-ukraina urushidiki paaliyetliri heqqide doklat bérildi.
doklatta, rusiye armiyesining ukrainadiki toqunushining dawamlishiwatqanliqi eskertilip, «merkiziy qisim guruppisigha tewe etretler awdiwiwka yönilishide donétsik xelq jumhuriyitining pérwomayskoyé (pérwomayské) olturaq rayonini qutquzup, mewjut weziyitini kücheytti» déyildi.
doklatta, yéqinqi 24 saet ichide ukraina armiyesige tewe 222 uchquchisiz ayropilanning étip chüshürülgenliki eskertilip yene mundaq déyildi:
«herbiy heriket bashlanghandin buyan, 583 ayropilan, 270 tik uchar, 20 ming 826 uchquchisiz ayropilan, 501 hawa mudapie bashqurulidighan bomba sistémisi, 15 ming 767 tanka we bronéwik, 1266 köp noluq rakétamiyot, 8 ming 849 dane zembirek we minamyot topi we 20 ming 960 ukraina herbiy aptomobili pachaqlap tashlandi»
