xitay iran we israiliyeni otturahal bolushqa chaqirdi
xitay iran we israiliyeni otturahal bolushqa chaqirdi we ottura sherqte toqunushning küchiyip ketmeslikini ümit qilidighanliqini we urushning derhal axirlashturilishi kéreklikini bildürdi.
türkiye awazi radiyosi xewiri: yawropa ittipaqi bilen bir qisim döletler iranning israiliyege qilghan hawa hujumini eyiblidi we tereplerni mötidillikke chaqirdi.
yawropa ittipaqi tashqi munasiwet we xepsizlik siyasiti aliy wekili josép borrél ijtimaiy alaqe supisi X diki yazmisida: «yawropa ittipaqi iranning israiliyege qaratqan qobul qilghusiz hujumini qattiq eyibleydu. bu misli körülmigen bir jiddiychiliktur, rayonning bixeterlikige éghir tehdittur» dédi.
engiliye bash weziri rishi sunakmu X hésabatidiki yazmisida: «iran hakimiyitining israiliyege qilghan perwasizlarche hujumini eng küchlük shekilde eyibleymen. iran yene bir qétim özining arqa baghchisigha malamanchiliq uruqini térishni xalaydighanliqini körsetti» dédi.
firansiye tashqi ishlar ministiri stéfan séjorni we gollandiye waqitliq hökümiti bash ministiri mark ruttému iranning israiliyege qaratqan hujumini eng küchlük eyibleydighanliqlirini bildürdi.
gérmaniye bash ministiri olaf sholz iranning israiliyege qilghan hawa hujumini qattiq eyibleydighanliqini bildürüp: «bu mesuliyetsiz we héch bir shekilde yolluq hésablanmaydighan hujum bilen iran rayonda keng kölemlik ot apiti xewipi yaratmaqta» dédi.
daniye tashqi ishlar ministiri lars lokké rasmussénmu iranning israiliyege qilghan hujumini qattiq eyiblidi we iranning ottura sherqtiki «muqimliqni buzush roli» ni qobul qilghili bolmaydighanliqini bildürdi.
silowéniye, norwégiye, awistiriye, chéx we polshamu iranning israiliyege qilghan hujumini eyibleydighanliqini bildürdi.
italiye we bélgiyemu bu özgirishlerni diqqet we endishe ichide közitiwatqanliqini élan qildi.
paris qoltuqi hemkarliq kéngishi bash katipi jasim muhemmed el budewiy yazma bayanatida, rayonning muqimliqi we xelqining bixeterlikige tehdit salidighan her qandaq jiddiychilikning aldini élish üchün herqaysi tereplerni yuqiri sewiyelik mötidilliqqa chaqirdi.
biraziliye, wénézuéla, méksika we xitaymu iran we israiliyeni otturahal bolushqa chaqirdi we ottura sherqte toqunushning küchiyip ketmeslikini ümit qilidighanliqini we urushning derhal axirlashturilishi kéreklikini bildürdi.
