gérmaniye ukrainagha yéngi wetenperwer bashqurulidighan bomba hawa mudapie sistémisi béridighan boldi

türkiye awazi radiyosi xewiri: gérmaniye dölet mudapie ministirliqining yazma bayanatida, rusiyening hawa hujumining küchiyishi we ukraina hökümitining telipige asasen hemde ittipaqdashlirining maslishishi bilen ilgiri yetküzülgendin bashqa yene, yéngi wetenperwer bashqurulidighan bomba hawa mudapie sistémisining ukrainagha ötküzüp bérilidighanliqi bildürüldi.  

gérmaniye dölet mudapie ministiri boris pistorius bu heqte toxtilip: «ukraina sheherlirige we döletning ul eslihelirige qaritilghan rusiyening térrorluqi teswirligüsiz azablarni keltürüp chiqarmaqta. xelqning énérgiye menbelirige qarita xewp ashmaqta we ukraina qoralliq qisimlirining meshghulat teyyarliqi üchün muhim bolghan sanaet ul esliheliri weyran qilinmaqta. shunglashqa biz ukrainani yéngi bir wetenperwer bashqurulidighan bomba hawa mudapie sistémisi bilen qollap quwwetleymiz. bu qararni maqullashtin ilgiri dölitimiz üchünmu yéngisini sétiwélishqa wede bergen idim, biz buning üchün tiriship xizmet qilmaqtimiz» dédi.

gérmaniye dölet mudapie ministirliqi ilgirimu herbiy yardem bérish pilani dairiside ukrainagha her xil herbiy eslihelerdin bashqa yene, ikki wetenperwer bashqurulidighan bomba hawa mudapie sistémisi, oq étish üskiniliri we ikki wetenperwer bashqurulidighan bomba qoyup bérish supisi bergen idi.