iranning israiliyedin öch élish éhtimalliqi barliq döletlerni jiddiyleshtürdi
israiliye 1 – aprélda iranning demeshiqtiki konsulxanisigha hujum qilghandin kéyin téhranning öch élishidin ensiresh barliq döletlerni heriketke keltürdi.
türkiye awazi radiyosi xewiri: amérikaning quddusta turushluq bash elchixanisi sayahet agahlandurushi élan qilip, xizmetchiler we aile-tawabiatlirining merkiziy rayon sirtigha chiqmasliqini telep qildi.
engiliyemu puqralirigha israiliyening shimaligha barmasliqni tewsiye qildi. engiliye diplomatiye ministirliqining bayanatida, liwan we süriye chégrasigha, ghezze rayoni etrapidiki rayonlargha, ishghaliyet astidiki gherbiy qirghaqqa we ghezzege barmasliq tewsiyesige alahide orun ajritildi.
firansiyemu puqralirini agahlandurup, iran, liwan, israiliye we pelestin zéminigha bérishtin qetiy saqlinishqa chaqirdi. iranning paytexti téhrandiki diplomatlar we aile-tawabiatlirining qaytip kélish xizmitini bashlash we irangha resmiy wezipige yollashni toxtitish buyruqi chüshürüldi.
gérmaniye tashqi ishlar ministirliqimu puqralirini iran, israiliye we pelestinge barmasliq heqqide agahlandurdi hemde iranda turushluq puqralirining irandin chiqip kétishini telep qildi. bixeterlik sewebidin iranning paytexti téhrangha uchidighan nöwetchi ayropilanlarnimu toxtitishni qarar qilghan gérmaniye awiatsiye shirkiti <Lufthansa> bu qararning 18 - aprélghiche uzartilghanliqini élan qildi.
awistiriye awiatsiye shirketlirimu 18 - aprélghiche irangha uchidighan nöwetchi ayropilanlarni toxtatti. iran, iraq, liwan we israiliyege sayahet agahlandurushi élan qildi. shuning bilen bir waqitta yene iranda turushluq puqralirigha chégradin chiqip kétishni tewsiye qildi.
gollandiye hökümitimu puqralirigha «israiliyege jiddiy sayahet qilishni kéchiktürüsh» ni tewsiye qildi.
qatar, behreyin, seudi erebistan we ereb birleshme xelipilikimu puqraliridin israiliye we gherbiy qirghaqtin derhal ayrilishini telep qildi.
hindistanmu puqralirigha iran we israiliyege sayahetke barmasliqni tewsiye qildi.
israiliye 1 - aprélda iranning demeshiqte turushluq bash elchixana qorusidiki konsulxana binasigha hawadin hujum qilghan bolup, hujumda iran inqilabni muhapizet qilish armiyesining 2 généralini qoshqanda, jemiy 7 kishi qaza qilghan idi.
