jo baydin iranning israiliyedin öch élishi mumkinlikini bildürdi
amérika prézidénti jo baydin 1 - aprélda iranning süriyediki bash elchixana turalghusidiki konsulxana binasigha hujum qilghanliqi üchün israiliyedin öch élish hujumining «her waqit» yüz bérishi mumkinlikini bildürdi.
türkiye awazi radiyosi xewiri: aqsarayda muxbirlargha bayanat bérish jeryanida baydindin iranning israiliyege qilidighan éhtimalliq dairisidiki hujumi toghrisida soal soraldi.
baydin iranning qanchilik qisqa waqit ichide israiliyege hujum qilishi mumkinlikige dair soalgha jawab bérip: «ishenchlik uchurgha érishishni xalaymen, emma méning mölcherimche her qandaq waqitta yüz bérishi mumkin» dédi.
baydin iranni israiliyege hujum qilmasliq toghrisida agahlandurup: «biz özimizni israiliyeni qoghdashqa atiduq. biz israiliyeni qollap – quwwetleymiz. israiliyeni qoghdashqa yardem qilimiz, iran muweppeqiyet qazinalmaydu» dédi.
israiliye 1 - aprélda iranning demeshiqte turushluq bash elchixana turalghusidiki konsulxana binasigha hawadin hujum qilghan we hujumda iran inqilabni muhapiet qilish qisimliridin 7 kishi qaza qilghan idi.
iran rehbiri ayetullah eli hamaniy israiliyening demeshiqtiki iran konsulxanisigha qilghan hujumining iran zéminigha hujum qilghanliq bolidighanliqini tekitlep: «iplas hakimiyet bir xataliq sadir qildi, choqum jazalinishi kérek we jazlinidu» dégen idi.