israiliyening héytning üchinchi künidiki hujumliridimu onlarche adem hayatidin ayrildi

türkiye awazi radiyosi xewiri: pelestinning resmiy xewer agéntliqi  — wafaning xewirige qarighanda, israiliye armiyesi ghezzening sidra rayonidiki edderej mehellisi yafa kochisidiki pelestinlik «ettebatibi» ailisining öyini bombardiman qilghan bolup, hujumda, deslepki tekshürüshlerge qarighanda, 29 adem hayatidin ayrilghan, 3 adem yarilanghan.

buningdin bashqa, israiliye armiyesi tik ucharliri ghezzening zeytun, shujaiyye we rimal mehelliliridiki kem dégende üch öyni bombardiman qiliip, nurghun pelestinlikni yarilandurdi.

nuseyrat musapirlar lagérining shimalidiki rayonlarmu israiliye armiyesi tik ucharlirining hujumigha uchridi؛ weqede bezi binalar weyran boldi؛ israiliye eskerlirining nuseyrattiki eljedid musapirlar lagérida panahliniwatqan sergerdanlar orunlashturulghan bir mektepni bombardiman qildi؛ weqede bir adem qaza qildi, nurghun adem yarilandi.

xelq mudapie etriti xadimliri ghezzening jenubigha jaylashqan xan yunus shehirining elemel mehellisidiki bir binaning xarabilikidin 13 kishining chirigen jesitini chiqardi.

israiliye eskerlirining iyordan deryasining gherbiy qirghiqidiki tubasqa qilghan hujumidimu bir pelestinlik hayatidin ayrildi.