shiwétsiyediki bir awiyatsiye shirkiti ishtin boshatqan yaghliqliq xizmetchisige tölem töleydu

türkiye awazi radiyosi xewiri: shiwétsiye parlaméntining kemsitishke qarshi ishliri wekili lars arxénniyus yazma bayanat élan qilip: «diniy simwollarni cheklep, bir tutash kiyim-kéchek siyasiti yolgha qoyghan bir awiyatsiye shirkiti, xizmet iltimasini qobul qilghan bolushigha qarimay, yaghliq artqanliqi üchün, ishtin boshitish arqiliq kemsitish peyda qildi» dédi.

diniy belgilerni cheklep, bir tutash kiyim-kéchek belgilimisini yolgha qoyushning yaghliqliq we hijabliq musulman ayallargha passip tesirlerni körsitidighanliqini tekitligen arxénniyus: «emgek küchi baziridiki barawerlik diniy erkinlik we xojayinning menpeeti özara zit bolmasliqi lazim. eger mushundaq bolghan teqdirde, din erkinliki üstünlükni igilishi kérek» dédi.

mezkur ayalning kemsitishke uchrighanliqi we hoquqining depsende qilinghanliqigha höküm qilinghanliqini bildürgen arxénniyus, kelgüside mushuninggha oxshash weqelerning aldini élish üchün, mezkur awiyatsiye shirkitining naheqchilikke uchrighan ayalgha texminen 14 ming dollar (150 ming kron) tölem tölishige qarar qilinghanliqini sözlirige ilawe qildi.

mezkur ayal 2023-yili kemsitishke uchrighanliqini otturigha qoyup, kemsitishke qarshi turush orginigha erz sunghanidi.