rusiye yéngi bir térrorluq hujumining aldini alghanliqini bildürdi

türkiye awazi radiyosi xewiri: rusiye fédératsiyesi bixeterlik idarisi bayanat élan qilip: «rusiye fédératsiyesi bixeterlik idarisi moskwadiki bir sinagogda amma toplanghan esnada térrorluq hujumi peyda qilishni pilanlighan ottura asiya döletlirining 2002 –yili tughulghan bir puqrasining jinayi qilmishining aldini aldi» dégenlerni qeyt qildi.

mezkur kishining ibadetxanini közdin kechürgendin kéyin, bomba yasash üchün matériyallarni sétiwalghanliqigha isharet qilinghan bayanatta: «térrorchi 10-aprél qolgha élinish jeryanida bixeterlik qisimlirigha oq chiqarghandin kéyin bir terep qilindi» dégen ibarilerge orun bérildi.

22-mart kechte rusiyening paytexti moskwadiki «kros sity» namliq konsért zalida térrorluq hujumi yüz bérip, 144 adem hayatidin ayrilghan, weqege chétishliq ikenliki ilgiri sürülgen 11 adem qolgha élinghanidi.