néxammér türkiyening ukraina mesilisidiki muresssechilik roli toghrisida toxtaldi

türkiye awazi radiyosi xewiri: néxammér gérmaniyening «Die Zeit» gézitining ziyaritini qobul qilghanda, ukrainadiki urushqa xatime bérish üchün choqum tinchliq söhbetlirining bashlinishi kéreklikini tilgha élip, ukrainaning qirim qatarliq qoldin chiqirip qoyghan zéminlirini qayturup élish sherti bilen tinchliq pilanini otturigha qoyushining kiyéw hökümitining meydani ikenlikini, emma tinchliq söhbetliriningmu özige layiq qaidiliri barliqini, shunga muhim bolghinining söhbetni bashlash ikenlikini otturigha qoydi.

néxammér «ukraina mesilisidiki muressechilik rolini qaysi döletning oynishi kéreklikini muwapiq dep qaraysiz?» dégen soalgha jawab bérip:  «méningche türkiye yenila muhim, chünki her ikki terep türkiyeni bilidu» dédi.

xitay we hindistan bilen birlikte gérmaniye bilen firansiyeningmu hel qilghuch rol oynaydighanliqini bildürgen néxammér, awstriyege birer mesuliyet chüshse, dölitining uni pütün küchi bilen orundashqa teyyar ikenlikini sözlirige ilawe qildi.