zaporizhya yadro éléktir istansisi hujumgha uchridi
rusiyening kontrolluqigha ötüp ketken ukrainaning zaporizhya yadro éléktir istansisigha üch qétim uchqu hujumi qilindi.
türkiye awazi radiyosi xewiri: rusiye zaporizhya yadro éléktir istansisigha uchqular bilen qilinghan hujumda, üch kishining yarilanghanliqin bildürdi.
éléktir istansisidiki oxshimighan jaylarning buzghunchiliqqa uchrighanliqi qeyt qilindi. hujum sewebidin éléktir istansisi we rayondiki radiyatsiye sewiyeside özgirish bolmighanliqi eskertildi.
xelqara atom énérgiyesi orginimu éléktir istansisigha qilinghan hujumni toghrilidi. zaporizhya yadro éléktir istansisidiki asasiy réaktor qazinini orap turidighan eslihelerning az dégende üch qétim uchquhujumigha uchrighanliqi bildürüldi.
rusiye dölet mudapie ministirliqi ukrainaning 15 uchqusining hawa qalqan sistémiliri bilen pachaqlap tashlanghanliqini élan qildi.
ukraina pirézidénti wolodimir zélénskiy uzundin buyan rusiyening qattiq hujumigha duch kéliwatqan xarkiw shehiri toghrisida bayanat élan qildi.
u: «dunya xarkiwgha qiliniwatqan hujumlar keltürüp chiqarghan azab-oqubetlerni hés qilishi kérek» dédi we hawa qalqan sistémisi telipini yene bir qétim otturigha qoydi.
u yéqinqi heptilerde rusiyening bashqurulidighan bomba hujumliri sewebidin éghir buzghunchiliqqa uchrighan ukraina énérgiye sistémiliridiki mesililerning köp qismining hel qilinghanliqini bildürdi.
