baqiri: konsulxanimizgha qilinghan hujumning heqiqiy jawabkari amérika...
iran armiyesi bash ishtab bashliqi muhemmed baqiri, israiliyening iranning demeshiqtiki konsulxanisigha qilghan hujumining heqiqiy jawabkarining amérika qoshma ishtatliri ikenlikini ilgiri sürdi.
türkiye awazi radiyosi xewiri: tesnim xewer agéntliqi, iran armiyesi bash ishtab bashliqi baqirining israiliyening süriyege qilghan hujumida ölgen iran inqilab muhapizetchiliri quddus qisimliri qomandani birigada komandiri muhemmed riza zahidining depne murasimida söz qilip, zahidi we hemrahliqidiki iran eskerlirining öltürülüshining israiliyening weyran bolush süritini tézlitidighanliqini, israiliyening hujumining jawabsiz qalmaydighanliqini otturigha qoyghanliqini xewer qildi.
xewerde körsitilishiche, iran armiyesi bash ishtab bashliqi: «demeshiq hujumining asasliq jawabkari amérikadur, u choqum buning hésabini bérishi kérek» dégen.
israiliye 1-aprél iranning demeshiqtiki elchixanisining konsulxana binasigha hawadin hujum qilip, iran inqilab muhapizetchiliri qisimlirining ikki généralini öz ichige alghan yette eskirini öltürgen. hujumda yene süriye puqrasi alte kishi hayatidin ayrilghanidi.
