bélgiye muawin bash ministiri dölitining pelestinni étirap qilishi kéreklikini otturigha qoydi

türkiye awazi radiyosi xewiri: dé suttér ispaniyening bu yil yazdin ilgiri pelestin dölitini étirap qilishni pilanlawatqanliqini tilgha élip, döliti (bélgiye)ningmu oxshash qedemni bésishi kéreklikini eskertti.

«biz choqum musteqil pelestin dölitini we uning qaytidin sunghan <birleshken döletler teshkilatigha kirish> iltimasini resmiy étirap qilishimiz kérek » dégen dé suttér, pelestin xelqining öz teqdirini özi belgilesh hoquqini yürgüzeleydighan bolushi kéreklikini tekitlidi.

bélgiye tashqi ishlar ministiri xajda lahbib bu heqtiki bayanatlirida, izchil halda pelestin dölitini étirap qilishqa munasiwetlik bir kélishimning barliqini, emma buning «waqti kelgende» élan qilinidighan bir qarar ikenlikini tekrarlap kelmekte.

ispaniye, irélandiye, malta we slowéniye 22-mart özlirining «muwapiq sharait» hazirlanghan waqitta pelestin dölitini étirap qilishqa teyyar ikenlikini élan qilghanidi.

ispaniye bash ministiri pédro sanchézmu 2-aprél seyshenbe küni bayanat bérip, bu yil yazdin ilgiri pelestin dölitini étirap qilidighanliqlirini élan qilghanidi.