rusiye: moskwadiki hujumning izliri ukrainaghiche kéngiyiwatidu

türkiye awazi radiyosi xewiri: rusiye bixeterlik kéngishi katipi nikolay patrushéf qazaqistanning paytexti astanada ötküzülgen shangxey hemkarliq teshkilatigha eza döletler bixeterlik kéngishi sékrétarlirining 19-qétimliq yighinida söz qildi.

rusiyening paytexti moskwadiki konsért zalida yüz bergen térrorluq hujumini ukraina hökümiti emes, belki rusiyede cheklengen daéshning afghanistan tarmiqining sadir qilghanliqi qarishini téngishqa urunuluwatqanliqini bildürgen patrushéf, hujumning izlirining bolsa, pütünley amérika qoshma ishtatliri teripidin kontrol qiliniwatqanliqini hemme nahayiti yaxshi bilidighan kiyéw hökümiti bashqurushidiki ukraina istixbarat tarmaqlirighiche kéngeygenlikini ilgiri sürdi.

patrushéf daésh, elqaide we bashqa térrorluq teshkilatliriningmu washington teripidin qurulghanliqi qarishini otturigha qoydi.

moskwadiki «krokus sheherlik hökümet zali» namliq konsért zalida 22-mart kechte qoralliq kishler teripidin térrorluq hujumi sadir qilinip, 143 adem hayatidin ayrilghanidi.