ispaniye bash ministiri pédro sanchéz pelestin dölitini étirap qilidighanliqini élan qildi
pédro sanchéz üch künlük ottura sherq ziyaritining birinchi békiti bolghan iordaniyege kétiwitip ayropilanda muxbirlargha bayanat berdi.
türkiye awazi radiyosi xewiri: sanchéz israiliye bilen hamas otturisidiki toqunushqa munasiwetlik aprildin iyunghiche bolghan ariliqta xelqara jemiyette muhim özgirishlerning bolidighanliqigha ishinidighanliqini bildürüp, mushu bir nechche hepte ichide birleshken döletler teshkilatida pelestinni b d t ning toluq ezasi dep étirap qilishni meqset qilghan muzakirilerge diqqet qilish kéreklikini éytti.
sanchéz irélandiye, malta we slowéniye bash ministirliri bilen pelestin dölitini étirap qilish üchün maqullighan ortaq qararning muwapiq sharait hazirlansa, yazdin burun ijra qilinidighanliqini tekitlep, ispaniyening aldi bilen pelestinni étirap qilish qararini ministirlar kéngishide maqullaydighanliqini we andin parlaméntqa sunidighanliqini bildürdi.
sanchéz israiliye bilen hamas otturisidiki ochuq urushta rayonning tinchliqi we bixeterlikige kapaletlik qilishning birdinbir yolining <pelestinni étirap qilish> dep qaraydighanliqini tekitlidi.
ispaniye bash ministiri iordaniyedin kéyin seudi erebistan we qatargha baridu.
مۇناسىۋەتلىك خەۋەرلەر
seudi erebistan bilen yaponiye hemkarliq kélishimi tüzdi
seudi erebistan bilen yaponiye otturisida hemkarliq kéngishi quruldi.
rusiye yadro qorallirini ishlitish meshiqini bashlidi
rusiye yadro qorallirini ishlitishni meshiq qilidighan manéwirini bashlidi.
