rusiye talibanni térrorluq teshkilatliri tizimlikidin öchürüsh aldida turidu
rusiye tashqi ishlar ministirliqi talibanni térrorluq teshkilatliri tizimlikidin chiqiriwétish üchün tirishmaqta.
türkiye awazi radiyosi xewiri: <Gazete.ru> teripidin élan qilinghan xewerge asaslanghanda, rusiye tashqi ishlar ministirliqi bu heqte edliye ministirliqi bilen birlikte xizmet ishlewatqanliqini, emma axirqi qararni hökümetning chiqiridighanliqini élan qildi.
bu ariliqta, rusiye pirézidénti wiladimir putinning afghanistan alahide wekili zamir kabulow taliban wekillirining rusiyede ötküzülmekchi bolghan 15 - nöwetlik rosiye - islam dunyasi qazan munbiri yighinigha teklip qilinghanliqini we ularningmu qatnishishni xalaydighanliqini bildürdi.
rusiye we islam dunyasi döletliri otturisidiki iqtisadiy hemkarliqni tereqqiy qildurush munbiri bolush salahiyitige <qazan munbiri yighini> 14 – maydin 19 - mayghiche rusiye fédératsiyesige qarashliq tatarstan jumhuriyitining paytexti qazanda ötküzülidu.
rusiye pirézidénti wiladimir putinning afghanistan alahide wekili zamir kabulow rusiyening afghanistanda taliban hökümiti bilen xelqara térrorluqqa qarshi küreshte «sistémiliq hemkarliq» ichide ikenlikini éytti emma bu heqte tepsiliy melumat bermidi.
