pakistanda shiddetlik yamghur sewebidin 8 kishi qaza qilip, 12 kishi yarilandi

türkiye awazi radiyosi xewiri: xeyber paxtonxwa ölkisige qarashliq bezi rayonlarda shiddetlik yamghur sewebidin öylerning ögzisi örülüp chüshti, kelkün apiti yüz bérip, bezi yollar taqilip qaldi.

kelkün we shiddetlik yamghur sewebidin kélip chiqqan weqelerde köpinchisi kichik balilar bolup, jemiy 8 kishi qaza qildi.

wilayettiki kelkün we ögze örülüp chüshüsh weqeliride, 12 kishi yarilandi,  ikki kichik bala kelkünde yoqap ketti.

qaza qilghanlardin üch kishining oxshash bir ailidin 3 yashtin 7 yashqiche bolghan aka-ukilar ikenliki bildürüldi.

dairiler bixeterlik tedbirliri sewebidin rayondiki bezi yollarning taqalghanliqini élan qildi.

xeyber paxtonxwa ölkiside 2 – marttimu shiddetlik yamghur sewebidin bezi öylerning ögzisi örülüp chüshken we bir qisim öylerning tagh siyrilip chüshüp, tupraq astida qilishi sewebidin texminen 30 kishi qaza qilghan idi.